Abdul Hameed Adam Poetry In Urdu | Urdu Romantic Poetry

Sad Poetry is sharing Abdul Hameed Adam Poetry In Urdu | Urdu Romantic Poetry with you. The best romantic poetry in urdu.

Abdul Hameed Adam Poetry In Urdu | Urdu Romantic Poetry

بھولے سے کبھی لے جو کوئی نام ہمارا
مر جائے خوشی سے دل ناکام ہمارا

لے جاتی ہے اس سمت ہمیں گردش دوراں
اے دوست خرابات سے کیا کام ہمارا

کر لیتے ہیں تخلیق کوئی وجہ اذیت
بھاتا نہیں خود ہم کو بھی آرام ہمارا

اے گردش دوراں یہ کوئی سوچ کی رت ہے
کمبخت ابھی دور میں ہے جام ہمارا

اس بار تو آیا تھا ادھر قاصد جاں خود
سرکار کو پہنچا نہیں پیغام ہمارا

پہنچائی ہے تکلیف بہت پہلے ہی تجھ کو
اے راہنما ہاتھ نہ اب تھام ہمارا

اے قافلۂ ہوش گنوا وقت نہ اپنا
پڑتا نہیں کچھ ٹھیک ابھی گام ہمارا

دیکھا ہے حرم تیرا مگر ہائے رے زاہد
مہکا ہوا وہ کوچۂ اصنام ہمارا

غلمان بھی جنت کے بڑی چیز ہیں لیکن
توبہ مری وہ ساقیٔ گلفام ہمارا

گل نوحہ کناں و صنم دست بہ سینہ
اللہ غنی! لمحۂ انجام ہمارا

کر بیٹھے ہیں ہم بھول کے توبہ جو سحر کو
شیشے کو تعاقب ہے سر شام ہمارا

مے پینا عدمؔ اور قدم چومنا ان کے
ہے شغل یہی اب سحر و شام ہمارا

عبد الحمید عدم

If you like our Abdul Hameed Adam Poetry In Urdu | Urdu Romantic Poetry then share it with your friends and family and also with your Sad Bestfriend also share it on Facebook.

Thanks for Reading Abdul Hameed Adam Poetry In Urdu | Urdu Romantic Poetry.

Leave a Comment